Rimchaksoa Chingni Website-ona

Helo sakantina! Katong gimikchi ching Badri Rongsa A∙we Baptist Mondolini Website-ko nichina rimchaksoa jean chingni Mondoli gita  kam ka∙anirangko na∙simangna uiatgen. Badri Rongsa A∙we Baptist Mondoliara mamung antangni mandapanina ba lapna dakgipa Mondoli ong∙ja. Ian Nongal Bibra ajajoloni District South Garo Hills, Meghalaya, India-o donga. Mondoliko bilsi 2012, June jani 7 tariko “Gitel Saksan, Bebera∙a Mingsan aro Napola Changsan”-no nisan don∙e A∙chik Baptist Dalgipa krimani watatako man∙gipa, Krima 3-ni Executive Secretary Rev. Julian Murphy N. Marakchi songaha. A∙chik Baptist Dalgipa Krimani gesa nokdangni bak ong∙aonin, Mondoli darangnaba mikkang niteani gri ong∙e manderangni chugimikgipa janggi tanganiko silroro namroroatna ajatango aro una bate gipino kamrangko ka∙enga jedakode kangal cha∙asianiko, cholon bewal ong∙sianiko, bobil gnal ong∙aoniko aro uandake dingtang namgijarangko gimaatna mangen. Una agre, Mondoli gita namgipa dilgiparangko aro nokdangrangko ong∙katate knalni nambatgipa a∙gilsak, sal somoi aro songsalko rikna mangen gisik nange kamko kaenga jeon saksa sakgipina ka∙sagrikani, simsakgrikani, aro tom∙tomani sason ka∙na gita mangen. Ka∙sapae chingni website-o sepang ong∙bo aro ripeng karimska ong∙e chingni kam ka∙anirangko bak ong∙pabo.

Ia map Badri Rongsa·Awe Baptist Mondoliko mesoka. Chingons soknakode iako jarikbo